SOGNDAL OG OMLAND HUNDEKLUBB:
Sogndal og omland hundeklubb blei skipa søndag den 24. mai
1981. Behovet for ein hundeklubb sa seg sjølv då det på den tida etterkvart
hadde blitt mange og ivrige hunde-eigarar i området. Som det går fram av namnet skulle
hundeklubben ha geografisk dekning i Indre
Sogn, dette avdi det på den tida ikkje var andre hundeklubbar innanfor dette
geografiske området.
Skipingsmøtet var på Sogndal hotell (no Quality Sogndal
hotell), og den første leiaren i hundeklubben var Aud Øyre, og resten av styret
besto av 3 kvinner og ein mann (kvinnekupp?).
Ved oppstarten hadde Sogndal og omland 30 medlemer. Formålet med klubben var å fremje eit betre
hundehald og å skape betre forståing for hundehald!
Det blei på dette møtet også beslutta å retta seg etter
Norsk Kennel Klub sine vedtekter, noko som førde til at ein etterkvart blei
oppteken som fullverdig medlem der.
Av aktivitetar starta ein opp med ”hundetreff” kvar tirsdag.
Ein av klubben sine medlemer stilte
grunn til disposisjon på Kaupangerskogen (grasbana til Kaupanger fotball ligg
der no)
Avdi klubben ikkje disponerte eigen instruktør krefter, blei
det ein del utgifter på å leige inn eksterne instruktørar. Dette gjaldt ikkje berre innanfor vanleg lydigheitstrening, men også
innanfor brukshund (spor, rundering og lavinehund)
Som ein aktivitet til medlemane, blei det arrangert felles
fjellturar for medlemane, med annonse i lokalavisene. Dette blei dårleg motteke av dei lokale
saue-eigarane i området, noko som i ein periode førte til avisinnlegg både for
og imot denne aktiviteten.
På midten av 80-talet var det innan klubben ei veldig aktiv
gruppe innan lydighet. Desse trena godt
og reiste og deltok på lydighetsstemner, til tider med godt resultat. Av andre
aktivitetar på denne tida var det ulike dressurkurs, brukshundkurs,
sauereinhetskurs, hundesprint, felles utstillingsturar og uoffisielle utstilling. På det mest aktive var medlemstalet på over 100! (pr 31. 12. 1986)
Men aktivitetsnivået i klubben har heile tida svinga veldig,
dette avdi ein ikkje har hatt stabil tilgang på eigne instruktørkrefter innan
klubben, og difor var ein avhengig av å heile tida leiga inn eksterne krefter.
Utover på 90-talet kom det til fleire andre hundeklubbar i
området, både reine raseklubbar og vanlege hundeklubbar med sine eigne geografiske avgrensa områder. Dette påvirka sjølvsagt både medlemstalet, og
aktiviteten innan klubben. Sogndal og
omland hundeklubb sitt geografiske nedslagsfelt blei over tid endra til kun å
dekke kommunane Leikanger og Sogndal, men
med enkelte medlemer også utanfor dette
området.
Tilhaldsstad for Sogndal og omland hundeklubb har etterkvart
blitt i området rundt travbana på Kaupangerskogen, og der blei det avvikla
jubileumstilstelning, laurdag den 13. mai 2006.
Sogndal og omland hundeklubb feira då sine 25 år!