LOVER OG VEDTEKTER FOR SOGNDAL OG OMLAND HUNDEKLUBB

§§§§§§§§§§§§§§§§§§§§§§§§§§§§§§§

FOR SOGNDAL OG OMLAND HUNDEKLUBB

   VEDTEKE PÅ SKIPINGSMØTE

26. MAI 1981

§§§§§§§§§§§§§§§§§§§§§§§§§§§§§§

§ 1. – NAMN

Klubben sitt namn er Sogndal og Omland Hundeklubb.

§ 2. – FORMÅL

Klubben sitt formål er å arbeida for eit godt og ansvarsbevisst hundehald, skapa eit godt miljø og forståing for hundehald og ivareta medlemane sine felles interesser.

§ 3. – MEDLEMSKAP

Alle som ynskjer å arbeida for klubben sitt formål, har rett til medlemskap. Medlemane til styret må vera fylt 16 år. I tvilstilfelle er det valkommiteen som avgjer spørsmål valbarheit.

§ 4. – DISIPLINÆRE BESTEMMELSAR

Eit medlem som handlar mot klubben sine lover, skadar klubben, eller forbryt seg på ein annan måte, kan bli advart av styret, utestengt for ei nærmare bestemt tid, bli beden om å uttre eller ekskluderast. Eksklusjonsbeslutningen må avgjerast med minst ¾ fleirtal av fulltallig styre. Eit eksludert medlem kan, innan 14 dagar etter at ekslkusjonsvedtaket er kjent, appellere saka til klubben sitt samordningsutval. Partane får høve til å tala si sak, deretter blir endeleg avgjer teke. Under handsaming av ei slik sak kan ingen ta del i avgjerdsla, dersom han er styremedlem i klubben som foretok eksklusjonen. Eksklusjonen fører til automatisk tap av medlemskap i tilsluttande klubbar der vedkommande eventuelt er medlem.

Dersom eit ekskludert medlem skal tillatast å bli medlem att, eller å bli tatt opp som medlem i anna tilsluttande klubb, må det vere etter anmodning frå sitjande styre i den klubb som føretok eksklusjonen, eller samordningsutvalet dersom det har handsama saka.

Eit medlem som er blitt strøket av Norsk Kennel Klubb eller ein av klubbane på grunn av manglande kontingentbetaling, eller andre forpliktelsar til klubben, kan ikkje bli opptatt ramleis stå som medlem i klubbar som vert omfatta av denne overenskomst, før vedkommande har legitimert og ha gjort opp sitt mellomverande med den klubb som føretok strykningen.

(Denne paragraf er lik for alle klubbar som står tilslutta NKK.)

§ 5. – MEDLEMSKONTINGENT

Årskontingenten vert fastsatt av generalforsamlinga. Kontingenten gjeld for kalenderåret og skal betalast på forskot, forfall er den 1.januar. Medlemmer under 16 år og husstandsmedlemmer betalar halv kontingent. Nye medlemar betalar kontingenten ved innmeldingen. Det skal betalast full kontingent for nye medlemar før 1. juni. Etter 1. juni og ut året skal det betalast halv kontingent. Dersom eit medlem er skuldig kontingent for meir enn 6 månader gjelder medlemskapet ikkje lenger.

§ 6. – ORDINÆR GENERALFORSAMLING

Generalforsamlinga er klubben sin høgste myndigheit. Ordinær generalforsamling vert halde kvart år, i tida mellom 1. januar – 28. ferbruar. Innkalling til generalforsamlinga med oppsett av dei saker som skal handsamast, skal styret sende til medlemane sinast 2 veker på førehand, saman med årsberetning, revidert rekneskap og valkommiteen sin innstilling.

Generalforsamlinga skal:

1. handsame beretningen om klubben sin virksomheit og klubben sin rekneskap
2. velja formann, 4 styremedlemar og 3 varamenn. Formann og varamenn vert valt for 1 år. Dei øvrige 4 styremedlemane vert også valde for 1 år.
3. Velja revisor for 1 år, revisor kan ikkje bli valt inn som styremedlem
4. Velja valkommitè på 3 medlemar for 1 år.
5. Vedta medlemskontingenten for neste kalendarår.
6. Handsame andre saker som blir førelagt av styret eller av medlemane.

Saker som skal handsamast på generalforsamlinga må vera innkomne til styret seinast 3 veker før generalforsamlinga skal haldast. Alle val skal vera skriftlege. Medlemane kan berre avgje stemme ved personleg frammøte. Generalforsamlinga kan berre handsama saker som er nemnd i innkallinga.

§ 7. – EKSTRAORDINÆR GENERALFORSAMLING

Ekstraordinær generalforsamling vert det innkalla til dersom styret finn dette naudsynleg, eller dersom minst 25 medlemar skriftleg krev dette. Det kan berre handsamast saker som har vore kjent minst ei veke på førehand.

§ 8. – STYRET

Styret konstituerar seg sjølv med varaformann, sekretær og kasserar. Styret kan gjera vedtak når minst 3 medlemar av styret er tilstades. Ved stemmelikheit er formannen si stemme avgjerande. Styret øre protokoll over styremøta, protokollen skal underteiknast av alle frammøtte styremedlemar og varamenn. Varamenn kan delta på styremøta. Styret leiar klubben sin virksomheit i samsvar med klubben sine vedtak. Styret skal utarbeida beretning, leggja fram avslutta rekneskap i revidert stand for generalforsamlinga. Styret skal også sende ut valkomiteen si innstilling og fastsetja dagsorden for generalforsanlinga.

Til sete i NKK’s representantskap og til tillitsverv i SOOH kan ikkje veljast eller oppnemnast person som er dømt for dyremishandling etter lov om dyrevern (dyrevernlova). (Vedteke i årsmøte 10.01.86).

§ 9. – UTVAL, RÅD, KOMITEAR

Styret kan oppnemna utval, råd og kommitear og fastsetje deira myndigheit.

§ 10. – VALKOMITE

Valkommiteen vel sjølv formann. Kommiteen sender sitt forslag til styret seinast 3 veker før generalforsamlinga vert halden.

§ 11. – ENDRINGAR I VEDTEKTENE

Endringar i vedtektene kan berre bli vedteke av generalforsamlinga med 2/3 fleirtal. Avstemming skal skje skriftleg dersom dette blir forlangt.

Lovforandring kan kun foretas av generalforsamling/årsmøte – ordinær eller ekstraordinær, og må vedtas ved minst 2/3 fleirtal av dei avgjevne stemmer. Forandring av lovene må godkjennast av NKK. Lovendringar som ikkje vert godkjende av NKK kan takast inn for Samordningsutvalet. (2.avsnitt vedtke i årsmøte 10.01.86)

§ 12. – OPPLØYSING

Klubben kan berre bli oppløyst av generalforsamlinga med ¾ fleirtal av dei avgjevne stemmene. Generalforsamlinga bestemmer med absolutt fleirtal korleis eventuelle midlar skal nyttast.

FOR SOGNDAL OG OMLAND HUNDEKLUBB

Vedteke på ekstraordinær generalforsamling 01.06.2006,

Gjeldande frå 01.01.2007

KAPITTEL 1

-         NAMN OG FORMÅL

§ 1          Namn

Klubben sitt namn er Sogndal og Omland Hundeklubb. (Her forkorta til SOOH).

§ 2          Tilknytning

                SOOH er medlemsklubb i Norsk Kennel Klubb (NKK).

§ 3          Formål

                Klubben sitt formål er å innafor kommunane Sogndal og Leikanger

a)       fremje eit godt og ansvarleg hundehald i samfunnet

b)       fremje muligheitene for aktivitet med hund

c)       skapa eit godt miljø og forståing for hundehald

d)       ivareta medlemane sine felles interesser

KAPITTEL 2

- MEDLEMSKAP

§ 4          Medlemskap

Alle uberykta personer kan verte medlem av klubben. Styret kan nekte å ta opp som medlem personar som ein antar kan skade klubben og/eller hundesaka.

§ 5          Medlemskontingent          

                Kontingenten vert fastsett av årsmøtet etter forslag frå styret.

                Medlem har ingen rettigheiter før kontingenten er betalt.

Styret kan stryke som medlem personar som er skuldig kontingent for meir enn eitt år.

§ 6          Medlemane sine plikter   

Medlemane er forplikta til å følgje klubben sine lover, reglar og retningsliner. Medlemane forplikter seg også til å opptre på ein slik måte at klubben sitt formål og anseelse vert fremja.

Medlemskontingenten skal vere klubben i hende i rett tid. Medlem som ikkje har betalt skuldig kontingent eller som ikkje har regulert anna mogleg gjeld i høve klubben til rett tid, kan ikkje påberope seg rettigheiter i klubben.

§ 7          Opphør av medlemskap  

                Medlemskap i klubben opphører ved:

a)       utmelding

b)       strykning beslutta av klubben sitt styre på grunn av manglande kontingentbetaling og/eller anna uregulert gjeld til klubben

c)       Strykning på grunn av manglande betaling av grunnkontingent til NKK

d)       Vedtak om strykning av medlemskap beslutta av klubben sitt styre

e)       Vedtak om strykning av medlemskap i klubben beslutta av NKK sin Disiplinærkomite

f)        Vedtak om eksklusjon beslutta av NKK sin Disiplinærkommite. Medlemskap opphører da i alle NKK sine medlemsklubber.

§ 8          Disiplinære reaksjoner ( felles for alle klubber)

Personar som er ekskludert utan tidsbegrensning av NKK sin disiplinær kommitè kan ikkje takast opp som medlem igjen i nokon klubb utan disiplinærkommiteen si skriftlege aksept på dette.

Klubben sitt styre kan advare, anmode om å uttre, utelukke for begrensa tid eller stryke eit medlemskap for begrensa eller ikkje begrensa tid.

Strykning av medlemskap må avgjerast med minst ¾ fleirtal av fulltallig styre.

Personar som er nekta å takast opp eller stroke som medlem kan anke vedtaket inn for NKK sitt Appellutval. Anken må sendast seinast 14 dagar etter at vedtaket skriftleg er meddelt vedkommande. Den som anker må også erklære at avgjerdsla i Appellutvalet vert godteke som endeleg og inappellabel.

Styret har plikt til å gjere merksam på ankeinstansen, tidsfrist og at Appellutvalet si avgjerd er endeleg og bindande.

§ 9          Æresmedlem

Styret kan på årsmøtet foreslå at medlemar som er særleg fortjent kan utnemnast til æresmedlem i klubben. Avgjerd om æresmedlemskap må vedtakast med minst 2/3 fleirtal (kvalifisert fleirtal) av dei avgjevne stemmer og votering må skje utan debatt. Æresmedlem betalar ikkje kontingent til klubben.

Styret kan påskjønne personar som har ytet klubben spesielt store tenester i ei særskilt sak eller på eit særskilt felt. Desse vert tildelt heidersteikn.

KAPITTEL 3

- ORGANISASJON

§ 10        Klubben sine organer

a)       Årsmøtet

b)       Ekstraordinært årsmøte

c)       Styre

d)       Valkomite

§ 11        Årsmøte

Ordinært årsmøte skal haldast kvart år innan 1.mars. Styret skal sende innkalling til ordinært årsmøte til medlemane med minst 3 veker varsel.

                Saman med innkallinga skal følgje:

·         Dagsorden

·         Underteikna årsberetning

·         Underteikna rekneskap med beretning frå revisor

·         Forslag til kandidatar til val. Forslag på kandidatar må vere valkommiteen i hende / poststempla seinast 4 veker før møtedato

·         Forslag eller saker som medlemane eller styret vil fremje. Forslag frå medlemane må vere styret i hende/poststempla seinast 3 veker før møtedato

Leiar vert valt av årsmøtet ved særskilt val for 2 år.

Styremedlemane vert valt for 2 år og vararepresantantar for 1 år.

2 styremedlemar trer ut kvart år, første gong ved loddtrekning.

Styret konstituerar seg sjølv.

Møte- og stemmerett i årsmøtet har alle medlemar av klubben som har betalt kontingent for det år årsmøtet vert halde.

Med medlem vert å forstå kun person med gyldig medlemskap, dvs. betalt kontingent.

Årsmøtet kan berre handsama saker som er nemnde i innkallinga.

Medlemane kan berre avgje stemme ved personleg frammøte. Alle val skal vere skriftlege dersom eitt eller fleire medlem krev det.

§ 12        Ekstraordinært årsmøte

Ekstraordinært årsmøte vert det innkalla til dersom styret finn dette naudsynt, eller minst 10% av medlemane skriftleg krev dette.

Det skal innkallast til møtet med minst 14 dagar varsel. I innkallinga skal det framgå dei saker som skal handsamast på møtet. Ekstraordinært årsmøte kan berre handsame saker som er nemnd i innkallinga.

                For møte- og stemmerett gjeld samme reglar som for ordinært årsmøte.

§ 13        Årsmøtet handsamer

Val av møteleiar, referent og to medlemar til å signere protokollen, eventuelt tellekorps.

·         Årsberetning

·         Rekneskap med beretning frå revisor

·         Budsjett for neste år

·         Planar for drift og aktivitet neste år

Val av

·         Leiar

·         4 styremedlem

·         1 vararepresentant

·         representantar til NKK-regionen

·         revisor

·         valkommite med vararepresentant

·         Andre saker som er oppført på dagsorden

§ 14        Tillitsverv

Personar som er dømd for dyremishandling etter ”Lov om dyrevern” (dyrevernlova) kan ikkje velgast eller verte oppnemnd til tillitsverv i klubben.

§ 15        Styret

Styret skal bestå av leiar, 4 styremedlemar og 1 vararepresentantar. Alle vert valt av årsmøtet.

                Styret har ansvar for å:

a)       Leie klubben mellom årsmøta.

b)       Halde årsmøte

c)       Drive klubben i samsvar med formålsparagrafen

d)       Gjennomføre beslutninger avgjort av årsmøtet

e)       Oppnemne kommiteer eventuelt redaktør og representanter for klubben

f)        Søke å koordinere sine aktivitetar med andre klubber via den lokale NKK-regionen.

g)       Utarbeide retningslinjer for komiteer og eventuell redaktør

h)       Velge sekretær og kasserar innan- eller utanfor styrets midte

Styret kan gjere vedtak når leiar eller nestleiar og minst 2 andre medlemar av styret er tilstades.

Styret vert sammenkalla når fungerande leiar bestemmer eller når 2 av styremedlemane krev det. Det skal førast protokoll over styremøta.

§ 16        Valkommite

Valkommiteen består av 3 medlemar og inntil 1 vararepresentant. Valkommiteen vel sjølv laiar. Valkommiteen tar imot og skal sjølv gjere framlegg på kandidatar til dei verv som er ledige.

KAPITTEL 4

- REVISOR

§ 17        Revisor

                Årsmøtet vel kvart år revisor. Revisor reviderer rekneskapen og avgir beretning til årsmøtet.

Revisor bør vere registrerte revisor, eller vere person med kunnskap og erfaring i rekneskapsførsel.

KAPITTEL 5

- DIVERSE BESTEMMELSER

§ 18        Lovendring

Lovendring kan kun skje på ordinært eller ekstraordinært årsmøte. Lovendring må vedtakast med minst 2/3 fleirtal. Lovene og endringar av desse må godkjennast av NKK før dei er gyldige.

§ 19        Stemmetal

Val av Æresmedlem, lovendring og oppløying må skje ved 2/3 fleirtal (kvalifisert fleirtal)

                Der ikkje anna er nemnd må avgjerd skje ved absolutt fleirtal.

§ 20        Oppløysing

Klubben kan berre bli oppløyst av ordinært årsmøte med minst ¾ fleirtal av dei avgjevne stemmene. Beslutninga om oppløysing må stadfestast på ekstraordinært årsmøte med minst ¾ fleirtal.

Ved oppløysing av klubben tilfaller klubbens midlar NKK for av denne å nyttast til å fremje dei nemnde formål under § 2.

Definisjoner

·         Absolutt fleirtal: Meir enn 50% av avgitte gyldige stemmer er for forslaget. Blanke stemmer er gyldige stemmer

·         Kvalifisert fleirtal: Meir enn spesifisert størrelse (eks. 2/3 fleirtal ved lovendring) er for forslaget. Blanke stemmer er gyldige stemmer.